حوار من تأليفي ⚘
الياس: بونسوار على هل قمرات اللي منورين الدنيا!
سمعه : اهلا يا سي الياس اتفضل اقعد احضرنا….
زينات: يعني بتستنجد ب الياس النبي ما هيخلصك من ايدي
الياس: بالهداوة…. روقوا شوي شو بكم يا زلمة !!
زينات: بقي ينفع اني اتفق مع اسماعيل اننا نتجمع عشان نروح نزور القصري و سيادته يأجل المعاد من غير ما اعرف!!
سمعه: يووووووووه هنعيدها تاني قلت لك الست ميمي شكيب بدها تيجي معانا و عندها مرسح فأجلناها ليوم يناسبنا كلنا !!
زينات : و اش دراك ان اليوم اللي هتحددوه هيناسبني!!
سمعه: لاننا حددنا يوم الخميس وانتي قلتيلي انك الخميس ديما فاضية !!
الياس: يا الله يا زينات شو…. بيكي…. ده انتي ام الذوق و المفهومية…ما جرى شئ …كل تأخيرة و فيها خيرة ما تعذبي حالك ….
زينات: برده كان لازم ياخد رايي اشمعني الست ميمي هي اللي تحدد….
سمعه: هي مش صاحبتك خلاص اصطفلي معاها ….خدي هي معايا ع التليفون!!
مسكت زينات السماعه: الو ست ميمي اهلا حبيبتي والله وحشاني ….ده انتي الغالية….
سمعه بيلطم على خده : يا خواتي شوفوا الولية هتجنني!!!
زينات بتشاور له يسكت و تكمل: داكور يا روحي مفيش مشكلة ايه هنحيب ايه واحنا رايحين !! و الله انا رايي ناخد كم كيلو كنافة بالقشطة اصل القصري بيموت فيها….بتقولي ايه ….ده اكل تقيل ….طب ناخد له ايه ياختي….. بسكوت رجيم!!
طب يا روحي مع السلامة…قفلت السماعه و بتضرب على خدها :انا مش فاهمة من يوم ما عرفت الست ميمي و هي بتعمل رجيم و عمري ما شفتها رفيعة!! ده ايه رجيم الندامة ده!!!
الياس بيضحك: جايز رجيم روحاني يا ست زينات…يلا بقي قومي اعمل لنا فنجان قهوة من ساعة ما اجيت و لا قدمتي لي شي ….شو المصريين بخلة ولا ايه !!
زينات : يقطعني…..من عيني يا الياس ده انت اعز الحبايب بس قبل القهوة هعمل لك سندوتشات كفته تستاهل بقك
سمعه: خليهم طبقين وحياتك انا جاي من الأستوديو واقع م الجوع !
زينات: اهمد انت ….هجيب لك مية ساقعه!!
سمعه: بقي كده طب استلقي وعدك…. النبي لا أقول الست ميمي شكيب انك بتتريأي ع الريجيم بتاعها !
زينات: لا ده انت سمعه حبيبي ….و بتجز على سنانها: هجيب لك الاكل حالا !! اه يااااااااني
سمعه بيضحك : ستات تخاف متختشيش!!!
الحوار