حوار من خيالي..
شكوكو: النبي يا ست جمالات الجملة دي مزرجنه معايا اوي….مش عارف ليه بلا قافية بنساها….
جمالات: تبقي مش داخلة قلبك يا شكشك….غيّرها يا قلبي….
شكوكو: طب بصي….. انا شايفة بدل جملة ” انا كده بحب قعدتي على القهوة بلا شغلة ولا مشغلة”
هقول: ” انا بقي كده يا خالتي ….ايه رأيك!! عواطلي…. وبحب قعدة القواهي زي المقاطيع…. اعمل ايه يا ناس!! ما رجلي حفيت على شغلانة….. وبردك مفيش فايدة !! اقطع هدومي يا هووووو”
جمالات : يسلم فمك يا شكشك…..ايوة كده …..برنس يا واد….
شكوكو بيضحك : تلميذك يا معلمة !! ده انتي الخير والبركة!
جمالات: طب قوم بقي ….هات لي حاجة ساقعة….. احسن ريقي ناشف….و المخفي الريجيسير هينادي علينا دلوقتي….
شكوكو: عونيا…. اجب لك ازوزة مشبرة….. تحبي اجيب لك شندوتش كفتة من مطعم عم “طه” اللي ورا الأستوديو….
جمالات: لا يا خويا….حاكم انا عملة ريجيم….متخسرش النظام….
شكوكو: ريجيم ايه….و النبي انت غزال يا جميل…. مش محتاج!!
جمالات بتضحك : يوووو جتك ايه يا مضروب…..بتجبر بخاطري…..
شكوكو: حالا هجيب الازوزة……
الحوار #بقلمي_مروة_الحمدي
#حواديت_مروة_الحمدي
قراءة سعيدة ⚘
للمزيد من حواديت الزمن الجميل تابعوني