مشهد من خيالي
ميدان الجامع يوم الجمعة الساعة ٢ الضهر حارة “العيش والملح ”
عم رزق عنده دكان صغير، بيبيع فيه مقشات و سبت غسيل و أدوات مطبخ. عم رزق بيته في نفس العمارة اللي فيها دكان . و كعادته كل يوم جمعة يصحى يصلي الجمعة و بعد الصلاة يطلع على قهوة بسيوني اللي في اخر الحارة مع صحاب عمره عم سليمان صاحب فرن بلدي و عم رءووف عنده محل ادوات صحية.
عم رزق دلوقتي بيتكلم مع الصبي بتاعه بسام عشان يوصيه على المحل في غيابه….
عم رزق: واد يا بسام عينك ع الدكانة بس قيمة ساعة اروح اشرب حجرين شيشة مع عمك سليمان و عمك رؤووف واجي علطول !
بسام: تمام يا حج بس متعوأش انت عارف انا انهردة شغال نص يوم و كمان فيه ماتش الساعه ٤ و عايز الحق اتفرج معةصحابي عالقهوة!
عم رزق: قهوة ايه يا لمض ! انت هتصرف يوميتك عالقهوة المهم متعطلنيش …و لو حد اشترى حاجة متنساش تديله فاتورة
بسام: وجب يا حج!
بعد ما الحاج رزق مشي دخلت الست ماري منيب ساكنة في نفس الحارة و كانت معدية تشتري طلبات
الست ماري: ازيك يا واد يا بسام ملقيش عندك شبشب حلو كده احسن شبشبي اتقطع ف السوق
بسام: تؤمري يا ست ماري مقاسك كم ؟
الست ماري: ٣٩ و نص
بسام: يعني ٤٠ عندي شبشب مقاس ٤٢ اجيبهولك؟
ماري: ٤٢ ليه يا منيل رجلين خُف جمل !
بسام: طب ايكش يجي مقاسك اصلا اهو قيسيه!
الست ماري قسته طلع صغير!!
قالها: شفتي بقي طلعت رجليكي خُف جمل فعلا
الست ماري: تنقرص ف لسانك واد قليل الادب ده شكله صيني ما تجيبوا مقاسات عدلة!
بسام: طيب متزعليش تجيب لك شبشب رجالي احسن حايز يضبط معاكي !
الست ماري: رجالي!!! هي حصلت النبي ان مكنتش مستعجلة لا كنت جبتك من افاك ..انا حسابي مع اللي مشغلك ….قوطعت يا بعيد انا عامة هاخد مقاس ٤٢ ده مضطرة يعني همشي حافية… والحساب هبقي اديه للحج
بسام: لا مش بنشكك احنا لازم تدفعي دلوقتي
الست ماري: مش بتشكك!! طب الهي تنشك في قلبك و عندًا فيك هاخده غصبن عنك …وراحت مسكة الشبشب و حطاه في سبت المشتروات و بسام يا عيني مش قادر يتكلم …. كان فيه واحد واقف ادام الدكان شايف اللي بيحصل كله و فتصان من الضحك و اول ما الست ماري مشيت دخل الدكان وقال لبسام: تعيش وتاخد غيرها يا برنس
بسام رد عليه وقاله : مين الدانس بذات نفسه نور حارتنا النبي لا نفرش الارض ورد ….الاستاذ توفيق الدقن !!!
و بعدين……لقاءنا في الحلقة القادمة
من تأليف: مروة الحمدي
#حواديت_مروة_الحمدي