رشيد

سلام عليكم
اسمي رشيد …وانا وحيد ابويا وامي
ابويا صياد و طول عمره بيشقى عشان ياكلنا ….و الحمدلله ربنا ساترها…بس ابويا من قيمة شهر وقع من طوله و جرينا بيه على المستشفي قالوا جاله السكر…..

من ساعتها…. وانا اصريت انزل بداله الشغل ….و بيساعدني عم عوف صاحب ابويا و صديق عمره….عم عوف كان عايز يجيب حد يشغله على المركب عشان انا اتفرغ لدراستى…مانا في سنه اولي اعدادي …لكن انا موافقتش ده مال ابويا ولازم انا اللي اشغله …واتفقت مع عم عوف اني هذاكر بعد ارجع من الشغل على المغربية…قالي هتكون تعبان يابني…قلت له مش مهم استحمل ….ما ابويا ياما تعب و استحمل و صبر ….حتى لو درجاتي في المدرسة اتأثرت مش مهم الدرجات…. بس المهم انجح عشان حلم ابويا اني ابقي قبطان بحري….وبا رب اقدر احقق له حلمه …..
دعواتكم