الصورة بعدسة Asmaa Zakarya
انا اسمي رُجية و عندي خمس سنين…. بحب جوي لما يجوا ناس يصوروا البلد حدانا بحس انا بلدنا جميلة جوى …انا اتولدت هنا وهدخل المدرسة السنة الجاية …عندي اختين اكبر مني شيماء و سارة بحبهم جوي… بس انا زعلانه عشان اختي الكبيرة شيماء مكملتش علامها….. طلعت من سنة تانية اعدادي، وابويا وامي كان نفسهم تكمل بس هنعمل اي بجي نصيب…. هي بردك شاطرة وغاوية خياطة من صغرها عشان كده راحت مشغل حدانا في اول البلد …اتعلمت تعمل جلاليب و طواجي و حاجات حلوة ياما ….و وعدتني أنها تفصل لي جلابية جديدة ع العيد الكبير …. اما اختي التانية سارة فدي لهلوبة في المدرسة ما شاء الله…اصل نفسها تطلع ضاكتورة اد الدنيا بس ملهاش في شغل البيت. على رأي أمي خيبة كبيرة….وديما تتحجج بالمذاكرة…..طولت عليكم اروح بجي الحج العب مع العيال ف الغيط
سلاموا عليكوا
الكلام من تأليفي