الصورة لصاحبها
اسمي سلمى وعندي ٣١ سنة وحظي في الدنيا….. استغفرالله العظيم يا رب هقول ايه ….
انا مطلقة من خمس سنين وعندي ولد اسمه ادهم طليقي كان بيشرب مخدرات ومكنش بيصرف علينا وكمان كان شغال كهربائي ومن كثر الهباب اللي كان بياخده
اترفد من شغله وبعدها طلقني
أنا مش زعلانه لان عيشتي معاه كانت مرار بس هو مبيصرفش على ابننا وانا اللي بصرف عليه من معاش ابويا مانا بعد ما اتطلقت رجعت بيت اهلي و براعي امي ست كبيره وعيانه بس المعاش لوحده مش كفايه ففكرت اعمل ايه !!
مانا لازم اشتغل بس معيش إلا ثانويه عامه فتقي جارتنا ربنا يكرمها قالت لي على مصنع سجاد يدوى طالبين بنات تشتغل واليومية كويسة
وكنت خايفه في الاول بس امي دعت لي وكنت خايفه أسيبها الصبح وحدها بس كتر خيرها الحجة اللي في الشقه اللي أدامها بتطمن عليها لحد ما ارجع من الشغل
وشويه شوية أتودكت في الشغل ومدير المصنع أداني مكافأه والحمدلله ربنا ساترها
مفيش احلى من نعمة العيشة من عرق جبينك
ربنا ما يحوجنا لحد
ربنا رحيم مبينساش عباده
الكلام من خيالي
#حواديت_مروة_الحمدي
#مشهد #حياة #ناس