الصورة بعدسة Karim Esam
اسمي زينة وعندي 12 سنة
انهردة مفيش مدرسة طلعت مع ابويا واخواتي عشان نجمع البرتقال….المحصول طلع ايه اللهم بارك….. ريحته تشرح القلب …..بس انا مش ناسية ان عندي امتحان كمان اسبوع ! و مذاكرة كويس الحمدلله….. من أول السنة بذاكر فالمراجعة كانت سهلة …..
و هروح مع امي عند جارتنا عشان بنتها أحلام ولدت جابت بنت اسمها شهد ….و انا اللي هدق الهون يوم السبوع …..كمان هاجر أختي هتوزع معايا الملبس …..
مشتاقة اوي ليوم السبوع والهيصة و اللمة … . و الفرحة الكبيرة يوم رجوع اختي بالسلامة هي وجوزها من السعودية حاكم هما عايشين في الخليج و بينزلوا زيارة كل سنة و انشالله يخليها بتجيب لنا معاها هدايا ياما…..هدوم اشكال والوان…..عن اذنكم بقي لازم اروح العب مع اخواتي …..
الكلام #بقلمي_مروة_الحمدي