هند: عال عال اوي يعني انا أفضل منتظرة بسلامته لما يتكرم و يشتري المراوح في الاستوديو!
سعيد: مين بس اللي يقدر يزعلك يا ست هند!!
هند: مدير الإنتاج يا سيدي انا قيلاله من قبل ما نبتدي تصوير الدنيا حر موت موووووووت و لازم يكون فيه مراوح يعني الماكياج بتاعي يسيح….و بعدين انا بتخنق من الحر…ufffffff
سعيد: هدي اخلاقك اومال….الحقيقة انتي عندك حق بس معلش نستحمل بعض!
هند: بص يا سعيد كلمة ” نستحمل: دي بتعصبني….الغلط مش المفروض أننا نستحمله….طب خليني اسألك لو بسلامته المنتج بعت لك أورد تصوير وانت مجتش هيعمل ايه!
سعيد: هيخصم من اجري و مش هيكفي…. لأن الديكور بيكون اتعمل خلاص…
هند: شفت بقي هما عايزين ياخدوا مننا التزام يبقي يهيئوا جو شغل مريح!!
سعيد: طب تعالي اعزمك على خارطة بسبوسة بالقشطة انما عسل لسة جيالي وصاية من سعاد مكاوي….
هند: oh noon بسبوسة عشان افشول و مفيش فستان يجب على مقاسي…. انا ممكن اخد معاك فنجان شاي !!!
سعيد: يا ستي قولي يا باسط…. اومال لو شفتي الجريمة اللي هنعملها بالليل….. انا و شكوكو و سمعة…هنشتري اكله فسيخ و رنجة و هنطلع على بيت عبد السلام النابلسي!!
هند: يا نهار!!! جرى لعقلكم حاجة ده النابلسي بيطهر نفسه قبل ما يسلم علينا …ده الراجل هينتحر من الريحة كده !!
سعيد بيضحك: اصل سمعه مستحلف له أصل بسلامته النابلسي خد سمعه وراحة اتعشوا في مطعم فخم الا فرنكا مانتي عارفاه بتاع مظاهر…..و دفعوا ٥٠ جنيه في العشا….و اسماعيل من يوميها مبينامش و حلف انه يردها له فيسممه بريحة الفسيخ!!
هند بتضحك : قلبي معاك يا نابلسي!! انا متخيله منظره !!
الحوار
ملحوظة: الحوار من خيال المؤلف، لا يمت للواقع بصلة، إنما هو استحضار لرائحة الزمن الجميل