توفيق الدقن: مسا الجمال عليكم انا بقي ماليش في المقدمات بدخل في الموضوع طوالي…بدي افهم بس الناس جرى لها ايه ..كنت دكنهار مع المليجي في كافيه جروبي و يدوبك لسة نازل لنا ٢ قهوة من عمك جروبي اللي هما لما لقينا استاذ دخل علينا فجأة و بده يتصور معانا …استسمحه المليجي انه مصدع و مش قادر يتصور انما الجدع كان متأخذونيش سمج… وألح على التصوير …فانا بصنعة لطافة كررت اسفنا لان عندنا تصوير و مش في الفورما راح الراجل بعلو حسه يقول: “اه ما نتم كلكم شر زى ادواركم ديما بتفتروا عالناس” ..المليجي حاول يهديه و يقوله :”أدوارنا دي تمثيل ” و الراجل نازل برده غلط فينا…رحت انا بقي ممسكتش نفسي أي والله نادت له الجرسون و فوجئت أن الجرسون بيقول ان نفس الجدع ده بيلزق لاي فنان أو فنانة يجوا المكان و يعمل نفس الشويتين بتوعه…انما عنده بخت أن مكنش معانا الوحش فريد شوقي كان جابه من افاه نهايته شربنا و قهوتنا و عدى علينا العزيز استيفات رستي و ما إن دخل حتى طب عينا الراجل اياه تاني و بعلو حسه يقول:” خواجة استيفان لازم أتصور معاك” !! استيفان رد عليه : “خواجه مين يا راجل انت شايفني لابس برنيطة” !!قاله:” مش انت إيطالي برده” رد: “لا ياخويا مصري اكتر منك و هوينا بقي مش طلباها رزالة عندنا تصوير بالسلامة يا روح ….الروح “
دخل اسماعيل ياسين : سلامو عليكو….. اوعى تكونوا اتغديتوا!!
استيفان : ليه بعد الشر ناوي تعزمنا!!
سمعة: نو نو نو اسمها ناوي اقاسمكوا هي اللقمة تحلى من غيري… يلا يلا يا تيفا اطلب لي واحد اسكالوب و اتوصى!!
استيفان: بس كده عيني بس على شرط
سمعه: ايه هو ؟
استيفان: لو اتأخرنا و الست ماري منيب زعقت هقولها انت السبب!
سمعة: الست ماري!!! لا يا خويا الله الغني عن دي عزومة وانا اد لسانها احسن اروح معاكم الأستوديو و ناكل هناك انا عازمكم على شوية فول و طعمية انما ايه عنب !!
استيفان : طب يلا يا اخوانا احسن كده شكلنا كلنا هنتروق من الست ماري أنتم عارفين بتحب تخلص تصوير و دوغري عالبيت.
ملحوظة: الحوار من خيال المؤلف، و لا يمت للواقع بصلة، إنما هو استحضار لذكريات الزمن الجميل