كاميليا : بونجور ودو ….
وداد: صباح الورد يا روحي….حماتك بتحبك لسة حالا عم إدريس جايب الطعمية الموجوجة و العيش السخن…. يلا بسم الله….
كاميليا: يا نهارك مش فايت….مش امبارح انا متفقة معاكي نعمل رجيم من انهردة!!
وداد : بقلك ايه انا صاحية هفتانه بعدين معرفش اشتغل وانا جعانة…. نبتدي الرجيم من بكرة !!Excusez moi
كاميليا: بالهنا و الشفا….مشفتيش منعم!
وداد: عبد المنعم ابراهيم ….اه جه الصبح و مشي و بيقولك أن تذاكر الحفلة أداها للست ماري !!
كاميليا: يوووووووه ….ليه بس….ما كان استناني!
وداد: مانتي اتأخرتي وهو عنده تصوير في بلاتوه تاني ….إلا دي حفلة ايه يا كمولة!!!
كاميليا : حفلة Bal masque….عملينها في نادي اليخت….انما ايه هتكون جنان…هتغني فيها ليلى مراد و كمان فوزي لا و كمان…… في نمرة للست سامية جمال !!
وداد: ايه البال فاسكيه ده يا اختي !!
كاميليا: فاسكيه ايه يا مصيبة انتي ….masque يعني حفلة تنكرية !!
وداد: بقي يا ندلة متقوليش اجي معاكي!!
كاميليا: و غلاوتك فريد الاطرش هو اللي جاب التذاكر اصلها خلصت tres vite…بس اوعدك لو صحبتي كيتي اعتذرت هقولك !!
وداد: لا يا روحي انا مش stand by ان مكنتش اتعزم م الأول مجيش…. انا بس بعشق الست سامية جمال و لولا كده مكنتش سألتك….
كاميليا : طب اروح انا للست ماري اخد التذاكر ….و لو اني قلقانه من مقابلتها ليا….اصلها يا ستي من يومين زعلت مني كانت بتحاسب سواق التاكسي فقالها مش هدقق معاكي ف الأجرة اصلك ف مقام امي ….و بس يا ستى…..يا نهار!!!!!! …بالعافية خلصناه من ايديها !!
وداد: طب و زعلت منك ليه !!
كاميليا: اصلي قلت لها انتي ست كبيرة متعمليش عقلك بعقله……و عنها سمعت douche مية باردة ….
وداد بتضحك: الست ماري قلبها أبيض زي البفتا…تزعل و تنزل على مفيش و لو روحتي لها البيت هتشيلك فوق راسها….دي ام الواجب بيتها ياما جمعنا كلنا….
كاميليا: ربنا يطمنك….يلا اوروفوار
وداد : العواف يا عينيا….. اريفيدتشي
الحوار
للمزيد من حواديت الزمن الجميل تابعونا