يسعد مساكم…احلى حاجة في الصفحة دي ده انها مليان بولاد البلد الجدعان….اومال…ده البلدي يوكل…..وحبيت اوي اغاني محمد فوزي اللي سمعتها وانا جاية..هو ده الفن الجميل…الفن الشرقي بكل ألوانه ممتع..سواء تمثيل او مغني او رقص..
طب انا هقولكم موقف حصل لي..دكالنهار كنت في وسط البلد و قابلت ٢ معجبات طلبوا مني امضي ارتوجراف…و لقيت واحدة فيهم بتسألني بعرف ارقص سامبا و صلصا قلت لها ايوة..قالت لي : “طيب ليه مش بترقصي إلا بلدي في السينما”
قلت لها: “عشان الرقص البلدي ده مزاج…يعني ممكن تحبي مثلا تشربي عصير أو قهوة لكن القهوة بس اللي تعدل لك مزاجك…بعدين بلا قافية احنا نعرف نرقص رقصهم بس الاجانب ميعرفوش يرقصوا زينا ولا فيهم روحنا…مش هطول عليكم بصور الزوجة ١٣ مع حبيبتي شادية و البرنس رشدي أباظة يا رب يعجبكم…افوتكم بعافية احسن مواعدة شويكار نتقابل عند الكوافير “
يسعد مساكم
زينات علوي
الحوار