العواف عليكم….
أنا عايزة أشهدكم على فصل حصل لي… بقي أن دكالنهار كنت بصور مع اسماعيل ياسين و الست شادية و شكري سرحان….. فلم جديد اسمه “الستات ميعرفوش يكدبول”
و جه وقت البريك ……سمعة قالي تعالي يا جمالات في واحد بتاع جيلاتى ورا الأستوديو أعزمك عليه اصل الجيلاتي بتاعه عال… قلت له وماله يا سمعه يلا بينا!
الست شادية سمعتنا قالت “انا جاية معاكم” …لما روحنا و طلبنا….. الراجل لما عرف ان أننا من أهل الفن رحب بينا بس الترحيب بلا قافية كان زيادة حبتين!!!
المدهول وقع الجيلاتي على الملاية اللف اللي كنت لابساها. وده لبس الدور في الفلم ، و بدل ما يعتذر يقولي
: ” خلاص يا طنط متزعليش” !!! انا بقي سمعت لكم” طنط “دي و لا مؤاخذة كان نفسي انزل عليه بفردة الشبشب اللي لابساه لولا سمعة حاشني…قال طنط قال….. ليه شايفني مرضعة قلاوووون…..المهم اكلنا الجيلاتي و يصمم بسلامته أن شادية تغني !!!الست بصنعة لطافة اعتذرت… والبعيد سمج روحت قلت له : “بقولك ايه ما غنيلك انا؟” …الراجل تنح وقالي لا مش عاوز !!…قوطع البعيد
عن اذنكم بقي اروح اخلي المساعدة بتاعتي تشوف لي لبس تاني بدل اللي اتبهدل ده
اريفيدرتشي
الحوار من خيال المؤلف و لا يمت للواقع بصلة