سمعه: صباح الفل يا ست ليلى!
ليلى: اهلا اسماعيل فينك….من آخر مرة صورنا محدش شافك!!
سمعة: اصل ياسين ابني كان عنده دور برد شديد فمكنتش بسيبه… انا جاي انهردة قصدك فيه خدمة!
ليلى: معقول يا اسماعيل ده انت اكتر من أخ!
سمعة: الله يحفظك….بقى الحكاية اني لي صديق انما غالي عندي اوي، لأنه من اول الناس اللي وقفت جنبي و انا في أول طريق الفن….هو فرحه كمان اسبوع و بده انك تغني فيه بس هو ساكن في حي شعبي لأنه على أده…هل جنابك توافقي تروحي؟
لياى: معقول ده سؤال……اروح طبعا ،،،،انا بحب اغني لولاد البلد لانهم سميعة…..و ده شئ يسعدني….. ما دام هو غالي عندك….ده انا و أنور بنعتبرك اكتر من أخ….ياما أنور حكى لي انك لما اشتغلت معاه في بداياته و مكنش بيقدر يدفع اجرك كله…. عمرك ما اشتكيت و لا اعترضت …انت ابن أصول يا سمعه….
سمعه: ربنا يحفظك و يديم المعروف…انا عارف انك بنت اصول و مكنتيش هتردي طلبي
لياى: طب يلا بقي تعالي اتغدي معانا انهردة عم إدريس عمل لنا نجرسكو و الحلو أم علي !!
سمعه: الله الله احب انا عم إدريس و النجرسكو ولو اني مش عارف ده ايه ثواني اغير هدومي و احصل لكم
ليلى: أنور هيبقي مبسوط اوي انك تيجي حاكم بقاله يومين مزاجه مش تمام !!
سمعه: لا سيبهولي انا هلاعبه دور دومينا و أخليه يغلبني فمزاجه يبقي عال العال
للمزيد من حواديت الزمن الجميل تابعونا
ملحوظة: الحوار من خيال المؤلف، و لا يمت للواقع بصلة، إنما هو استحضار لذكريات الزمن الجميل
#بقلمي_مروة_الحمدي
#حواديت_مروة_الحمدي