مسا الخير على قهوة السعادة والناس اللي سكر زيادة الحقوني بواحد عناب مشبر وشيشة نادية هو ده…..اموت في المزاج العالي النبي انا فرحان بيكم و بالست مروة اللي مجمعانا… لحقت اخطف لي نص ساعه اشوفكم اصلنا بنصور ف استوديو مصر جنبكم….فلم اسمه ٣٠ يون ف السجن معانا بلا قافية الوحش فريد شوقي و ابو بكر عزت و العصفورة الوجه الجديد مديحة كامل و العفاريت ثلاثي أضواء المسرح دول بقى مجنني بس النبي دمهم شربات الا القلة الضيف أحمد صغير كده بس حقنة…يا رب الفلم يعجبكم و استسمحكم بقى الحق اخد لي نفسين قبل الواد الريجيسير ما ينادي عليا حاكم هو مستنصدني ديما يشتكي اني بتأخر…..
محمد رضا
بقلم مروة الحمدي