حوار بين كاميليا و زينات صدقي و الست ماري منيب من تأليفي ⚘
كاميليا: بونجور زيزي مشفتيش حد من الانتاج ؟
زينات ” بونجور يا قلبي….اه اظن في حد جوة قاعد مع المخرج!
كاميليا: ايكش يكون جاب الفستان اللي انا طلباه مخصوص من صيدناوي …لو شفتيه يا زيزي هتندهشي trec chic
زينات: يا روحي يا روحي….ايه الدلع ده ….ده انا طلبت مروحة في اودتي ولا حد عبرني…..و لا كمنك مضيتي ٣ افلام معاهم اخدتي الدلع كله !
كاميليا: اعوذ بالله هنقر….طب مانتي بتعملي مع سمعه فيلمين و كمان معاكم فوزي و ليلي مراد ايه بقي هنطمع….
اصلي يا ستي معزومة في حفلة originale ياااااي اللي جايين باشوات و هوانم ان سمعت ان الملك احتمال يحضر…. ما تيجي معايا يا زيزي دي هتبتدي من الصبح على البلاج لانهم هيختاروا ملكة جمال الشاطئ….و مين عارف مش ممكن تكسبي !!
زينات : النبي ايه…..طب استنى لما البس المايوه البمبة المسخسخ عشان انور وسطيكم…..
كاميا: بتتريأي سيادتك….
زينات: بلا شاطئ بلا مسخرة…..انا بخلص تصوير و رايحة سبوع بنت جارتي ام شمر وانا اللي هدوق الهون ….امال ايه و نقعت المغات من بالليل …حاكم انا بنت بلد و افهم في الأصول !!!
كاميليا : يا نهار……..انا اقولك حفلة و جلالة الملك و originale تقولي لي مغات و هون uffffff الحق عليا اني عايزة اعرفك على الناس الكلاس!
زينات: لا يا روحي انا بحب ولاد البلد الناس اللي انا منهم بلاش قنعرة و مياصة…..
دخلت الست ماري منيب
ماري: كده يا زينات القهوة هتبرد يلا قبل ما الريجسير ينده علينا !
زينات: متأخذينيش يا ست ماري ….اصلا كاميليا كانت عايزاني احضر معها حفلة ملكة جمال الشاطئ عشان ابقي الا francais
ماري : لا ياختي احنا ala بولاقيه….. طب كويس انكم قولتولي عشان اجي معاكم و البس المايوه ابو قطعتين ….
زينات فتصانه من الضحك….
كاميليا : بقي كده ….بتتمسخروا عليا انا اللي غلطانه….عن اذنكم الحق اروح استعد للتصوير ….اوروفوار مرمر ..
ماري بتمصمص شفايفها: أوروفوار…. يا روح امك…..شابات اخر زمن…..
كاميليا: بتقولي حاجة !
زينات بتضحك: لا يا روحي دي بتدعي عليكي بس!!
كاميليا: ايه !!
زينات: يووووه يقطعني قصدي بتدعيلك….
الحوار