حوار بين استيفان روستي و عبد الغني النجدي من تأليفي ⚘
عبد الغني: صباح الفل
استيفان: اهلا يا عوبد
عبد الغني: مالك مبوز ع الصبح
استيفان: صحفي رذل كان بيسجل معايا عكر لي دمي
عبد الغني: حصل ايه
استيفان: بسلامته يقولي رغم انك مش،مصري عرفت تندمج و تنجح في السينما !!! قلت له: ليه يا حبيبي شايفني لابس برنيطة على دماغي انا مصري اكتر منك!! يقوم الرذل يرد يقول بي : بردون يا خواجة !!!….خواجة ايه السمج ده!!
عبد الغني: ولا تعكر دمك هو بس تنح شويتين…إلا جولي مشفتش الجصري اصل له طلب مني بن محوج و أتأخر ولازم امشي عندي تصوير
استيفان : بن محوج !! اموت انا…. لايمني عليه انا اوصلهوله
عبد الغني: استيفان!!!! اوعي يدك تطول عليه !!
استيفان: يا عم روح هو فنجان قهوة اخلي الواد بتاع البوفيه يعمله اصلي مستني الدقن هنلعب لنا دورين طاولة بقالي فترة مغلبتوش…و بعدين نطلع نتعشى عند الست ماري منيب عملة لنا اكله سمك و جمبري !!
عبد الغني: يا بوي ع الندالة ولا حد فيكي جاب سيرة طب بلغ الست ماري اني هخلص تصوير و جاي طوالي !!
استيفان: تعالي ياخويا…. علطول بيت الست ماري مفتوح للكل انت عارفها …بالسلامة بقي عشان الحق الدقن
عبد الغني: سلام يا خواجة!!
استيفان: طب عشان يا خواجة دي هاخد البن كله و استلقى وعدك من القصري !!
عبد الغني بيضحك: يا عم روج بنضحك امعاك…سعيدة مبارك !!
الحوار
#بقلمي_مروة_الحمدي
#حواديت_مروة_الحمدي #الزمن_الجميل #مشهد #حكاية #الابيض_و_اسود #استيفان_رستي