ايمان: بونجور يا جماعة
القصري: صباح الورد….ماله الجميل مكلضم ليه
ايمان: شبان وقحين نازلين معاكسة فيه في الشارع
القصري: نهارهم مأندل…روح يا رمزي اعكشهم!!!
رمزى: يا راجل انت بتصدق…تلاقيهم كانوا بيعاكسوه واحدة تانية…بعدين انتي كل يومين نفس الشكوى …كبري،دماغك
القصري: اما انك عديم النخوة….يا واد دمك ده مية ساعقه
ايمان : شفت يا عم قصري ديما يشاكسني…
رمزي: مسمعتش فاتن حمامه و لا مريم فخر الدين بيشتكوا و اكيد بيتعاكسوا… اكبري شوية اومال لو كنتى كلوديا كاردينال..
ايمان: ايه كلوديا دي انا احلى؟
رمزى: لا بردون كلوديا احلى بكتير..
القصري: مين كولونيا دى يا واد !
رمزى بيضحك: ده الحلاق بتاعي يا قصري !!!
القصري: الكلام هياخدنا و لسة مشتريناش الهدية بتاعة ياسين ابن سمعه….. و العيد ميلاد كمان ساعتين !
ايمان: متقلقش يا عم قصري اشتريت له بسكلته و مسدس لعبة!
القصري: براوة عليكي … يلا بقي احسن مرات سمعه مواعيدها بلا قافية بريفكس!!
رمزي: اسبقوا أنتم هحصلكم….
القصري: يا واد انت علطول عفريت متتهد بقي …..عندك رنديفو طبعا …النبي عايز نبعت للمدام بتاعتك جواب نفضحك فيه!!!
رمزى : ليه بس ما الطيب احسن..دي اخت صديق عزيز عايزاني أقدمها للمخرج!!!!
ايمان : و النبي ايه….انت مكار و متعملش حاجة لوجه الله…يلا احنا يا قصري احسن زينات صدقي هناك لوحدها مش عايزين نسمع كلمتين!!!
القصري: لا في عرضك إلا زينات دى مترليوز….يلا نفوتك بعافية يا ابو الرماميز… متنساش يا واد تسلم على اخت الصديق العزيز هأوووووو
الحوار
بقلمي_مروة_الحمدي