مصر الجديدة، عمارة “ولاد الأصول” ، الطابق الثالث، يقطن الدكتور أنور و
حرمه مدام شوشو. و اليوم يحتفل د. أنور بافتتاح عيادته في حي المعادي. و قام
بدعوة أستاذه د. مراد و حرمه على العشاء بهذه المناسبة السعيدة. و في الواقع،
مدام شوشو كانت في أشد الحاجة إلى هذه السهرة. و ذلك لأن منذ عودتهما من
الولايات المتحدة األمريكية، حيث كان زوجها يحضر الدكتوراه هناك، وهي
تشعر بالملل الشديد. فزوجها منهمك معظم الوقت بين أوراقه و أبحاثه. و مرارا
طلبت منه شوشو أن يدعو ايا من أصدقائه إلي العشاء في المنزل، و لكنه كان
يرفض قائلا إن ليس عنده وقت للإجتماعيات . و تنوي شوشو بعد العشاء أن
تفاتح زوجها في المشروع التي طالما حلمت به. وخاصة أنها تشعر بالملل فليس
لديها إلا ابن واحد” شريف” في ال18 من عمره و دوما مشغول بدراسته
و أصدقائه. و تحلم شوشو بأن تفتتح
Chez Shosho patisserie محل حلواني
ليقدم اشهى أنواع البسكوت و الحلوى. لكن هل يا ترى سيوافق د. أنور !!
بعد انتهاء حفل العشاء قامت شوشو بعمل فنجان شاي لزوجها. و بدأت تتحدث
معه عن استمتاعها بالعشاء، و كيف انها سعدت بصحبة د. مراد وحرمه،ثم
طلبت منه أن تفاتحه في موضوع هام. فقال لها : هو فيه حاجة مهمة يا شوشو
و لا نأجلها لبكرة!
شوشو:بكرة الصبح انت بتروح الجامعة و بالليل في العيادة يعني مفيش وقت!
أنور: طب اتفضلي بس يا ريت تختصري!
شوشو: شوف بقي انا زهقت خالص انت علطول مشغول و من ساعه ما رجعنا
من السفر،وانت بين الجامعه و الاستعداد لافتتاح العيادة، و ابننا الوحيد شريف
حتي ولا بشوفه لأنه اما بيذاكر أو مع اصحابه !
أنور: ما قلنا نختصر!!
شوشو: عايزة اعمل مشروع….انا بحب ال bakingو كل الناس بتقول اني هايلة
في عمل الكحك و البتيفور و الكيك….و
قاطعها أنور: و درستي الموضوع ؟
شوشو مبتهجه: يعني انت موافق؟
انور: مقلتش موافق بسأل درستيه كويس؟
شوشو: مش فاهمه!
انور: المحل اللي هتأجريه…مكانه…التكلفة….التلاجات اللي هتعرضي فيها ؟؟ الفلوس منين؟ اقصد التمويل؟؟؟
شوشو : ايه كل ده!!
انور: اومال حضرتك فاكره ايه ؟
شوشو: أنا كنت عايزة اخد موافقتك المبدئية بس.
أنور: المبدأ اوك انا موافق بس لعلمك انا مش هدفع مليم في الموضوع ده…. انا صرفت كل فلوسي في العيادة !!
شوشو: أنا معايا وديعة من ميراث بابا الله يرحمه
انور: أنا بفضل تدخلي شريك معاكي، اهو نخفف المخاطرة!
شوشو: تقصد مين ؟
انور: هو في غيرها…هالة السعدي صاحبتك مرات المليونير عزت ابو العز!!
شوشو: و تفتكر أن هالة مرات المليونير ، هتحتاج تدخل مشروع دى ما شاء الله …..فيلل و خدم و سواقين!!
انور: خالص هتقري على الست…انا عارف ان هالة انسانه عملية و رغم اني لا أطيق زوجها لكن انا بحترمها فرغم أن هي من اصل شعبي عمرها ما استعرت
من اصلها، وديما تكلم عن أن أهلها كانوا بسطاء، و حتى جوزها ابتدا حياته بمحل بسيط لحد ما بقي صاحب اكبر محلات سحق و كبدة في البلد….هو مين ينكر أن كبدة ابو العز كل الناس بتتكلم عنها !
شوشو: انت بتتريأ …انا عارفة انك مش بتحب جوزها ..بس انا شايفة ان مش عيب انه راجل عصامي بدأ من الصفر!!
انور: أنا لا أنكر أني بستتقل دمه بس عمري ما أكره حد عشان عصامي بدليل
اني بحترم مراته ..لكن هو اللي ديما يحاول يتباهى بعربياته و فيلله و محلاته
pardonمحدث نعمه…المهم متوهيناش اعزميهم عندنا على فنجان شاي و ربنا
ييسر
شوسو: فنجان شاي ايه يا دكتور دول ولاد بلد معندهمش الكلام ده لازم عزومة
نكلفها فراخ و ديك رومي و لحوم…اومال ده مقامنا…. ياما الصراحة عزمونا
و احنا عمرنا ما ردناها !!
انور: خالص كلميهم بكرة و اعزميهم… يلا يدوبك نلحق ننام
…..
و في الصباح الباكر
استيقظت شوشو وهي في كامل نشاطها،و توجهت إلى غرفة المعيشة تتصل
بهالة و تدعوها إلى العشاء، بدأت المكالمة بالسؤال عن هالة و صحتها واخبار الولاد في المدرسة ثم دعوتها إلى العشاء الا ان هالة رفضت تماما فكرة العشاء
عشان عملة ريجيم قاسي، على حد قولها،”عند اكبر دكتور دايت في البلد”… و مش هينفع تاكل أي نشويات او أكل غير صحية ولذا أصرت أن تكون
الدعوة على الشاي…..وأمام اصرارها وافقت شوشو و الساعة التاسعة كان هالة و زوجها عزت وصلوا إلى لبيت أنور و شوشو ….كانت الجلسة لطيفة و لكن فاجأهم عزت بأنه أحضر سندوتشات كبدة
و سجق من محله الشهير مع اصراره على اعداد عصير فخفخينا معتبر و هو
اللي هيعمله بنفسه ….و اصرت شوشو أن يتوجه الجميع إلى المطبخ عشان يتفرجوا على عزت و هو يصنع العصير، فهي عايزة تشوف سر الطعم الرائع. و بعد ما أكلوا السندوتشات، بدأت شوشو الكلام مع صديقتها هالة في التراس، و
رحبت هالة بالفكرة إلا أنها ذكرت انها لازم تفاتح زوجها في الموضوع، لأن هو اللي هيمول… و عندما انتهى العشاء . رجعا هالة و عزت إلى المنزل . و
بعد ما شربوا الشاي …. فاتحت هالة عزت و قالت: ايه رأيك في الدكتور أنور و شوشو!
عزت: شوشو لطيفة بس بسلامته دمه يلطش!!
هالة: أنا عارفة ان ملكش فيه !!
عزت: هي عشان صحبتك انا قلت اجاملهم …وقصدت اكون صاحب
واجب….واجيب سندوتشات من المحل اصلي ابن بلد و افهم ف الأصول!
هالة: و حياتك انت اللي غاوي تعب دول ناس الا فرنكا… مش بيفرق معاهم الحاجات دي!!
عزت : أنا مقدرش ادخل على حد ايدي فاضية ايه رايحين نشرب شاي هو احنا عندنا دور برد!! المهم انا حاسس انك عايزة تقولي حاجة؟
هالة: هو انا بعرف اخبي…مانا لمحتك وانت بتبص لنا انا و شوشو واحنا بنتودود في التراس!!
عزت: و ايه بقي الموضوع؟
هالة: و لا حاجة عايزة تشاركني!
عزت: تشاركك ازاي؟؟
هالة : نعمل مشروع مع بعض..عايزة تفتح محل حلواني
عزت مندهش: حلا ايه !!
! حلواني
نلتقي في الحلقة القادمة إن شاء الله
رواية_كوفرتة_مرمر_الحلقة3